Ta hopi di lamenta cu por a constata dia pa dia tin hopi caminda unda cu tin borchi mal poni of no tin borchi. Por ehempel recientemente por a nota hunto cu e expertonan di trafico, e caminda di rotonde di Tanki Flip, bin nort te n’e warda bieu na Noord, riba e caminda ey ta un borchi so tin bon.
Segun presidente di Vereniging Rijscholen Aruba, Thomas Ruiz, tur otro borchi no mester ta eyriba. Y pa colmo e secuencia no ta klop. Asina cu yega un crusada T of un division di caminda, mester tin un borchi cu ta bisa ‘fin di caminda di preferencia’ y ora pasa crusada ‘continuacion di caminda di preferencia’. Ora yega un T pakico yega un borchi asina.
E regla principal di trafico ta bisa cu caminda cu ta sigui, t’esun cu tin preferencia y no mester borchi p’e sa esey. Ta mira hasta borchi di zebrapad, na unda cu tin cu mustra riba e chauffeurnan, pero un ta mustra pabao y e otro ta mustra pariba.
Si core di nort of di zuid, no ta mira e borchi. Ta ora cu ta bin di pabao for di e T-weg so ta mira esaki. Tin algo robes ta bin aki.
Ora puntra ken a puntra e borchi, ken a controla nan y loke ta bezig cu ne tambe, ta costa. Ruiz a sigui splica cu por a check cu CBR cuanto ta costa na Hulanda, cual ta 400 euro. Ta papia aki di e tubo, e klem y e borchi mes. Tin di compronde aki cu e por costa den careda di mil florin. E tubo so ta costa 500.
