Despues di ausencia di basta aña, Teresita Center na San Nicolas, ta bay haya su cura bek. Esaki danki na e trabou di e stichting The Heart of San Nicolas.
A combersa cu e presidente Gregory Goedgedrag, kende a splica cu nan fundacion ta encarga pa maneha Teresita Center, pero tambe duna ayudo y asistencia na pueblo di San Nicolas den area social.
Pa loke ta Teresita Center for di inicio di añanan 80 pastoor di misa Sta Teresita a laga kita e cura, unda e hendenan normalmente tabata sinta y combersa, socialisa. E tempo ey, den añanan ’60 y ‘70, e tabata conoci como Seaman’s Club y tin un muraya su dilanti.
Mirando cu tabatin interes y pregunta di ki tempo ta pone e cura bek, a dicidi di spaar y busca ayudo te ora cu a yega na loke tabatin mester pa construi esaki. E cura mes, segun calculonan haci, ta costa 30 mil florin. “Di e forma aki por lanta un poco e ambiente na Teresita Center.”
Segun Goedgedrag a splica, ta calcula cu pa fin di luna lo finalisa cu e trabounan. Nan ta masha agradecido na tur esnan cu a yuda e fundacion yega asina leu. Mayoria a duna material.
Pues pronto lo por mira e cura unda e hendenan por sinta y socialisa.
