Dia 30 di November ta e fecha cu e temporada di horcan a yega su fin oficialmente, pero tin biaha por haya climatologicamente un sistema por forma. Te cu awor aki cu tin, tabata tin 17 tormenta tropical cu a forma den 2017, hopi activo.
2015 tabata mas activo y 2017 tabata hopi. Tabata tin 10 horcan, unda 6 a bira horcannan fuerte. Loke ta di importancia ta, cu corda cu 3 sistema tropical a bati na porta na Aruba. Aruba tabata tin suerte cu nan a perde forsa. Un ta Harvey, cu despues a causa desaster despues na Houston. Ey ta indica cu Aruba no ta pafo di e faha di horcan. Aruba mester ta bo prepara pa ciclonnan tropical. Suerte ta caba eventualmente un dia cu e horcan no tin motibo pa hala nort di Aruba of debilita. Si e situacion climatologico ta faborabel e por bin Aruba. Pa evita daño mester tin un bon sistema dia advertencia in place. Tambe mester di un bon Meteo in place, cu por duna tur informacion delanta y pueblo mester compronde e informacion cu ta wordo duna. Den temporada horcan 2017, tin hopi experto a lanta pia, vooral den social media y tin biaha tabata bruha henter e sistema di advertencia y tin biaha tabata trece bruhamento.
Tin hende cu ta kere cu ta experto, cu nan ta interpreta e datonan Meteorologico bon, tabata interprete full fout. Si bo no ta experto Meteorologico, preferiblemente coy bo datonan for di Servicio Meteorologico. A cuminsa tambe cu un grupo di whatsapp y tambe a tweet masha hopi pa Servicio Meteorologico, cual ta un cambio. E twittermento cu tabata bay riba facebook tambe, tabata tin un impacto positivo riba hopi persona, cual a haya e servicio hopi bon. E website tambe ta bay update pronto. Mester bay inverti mas den social media, pasobra Servicio Meteorologico ta suppose di saca avisonan den tur manera. Si no por sake den tur parti di media, bo ta hayabo limita e ora cu bo ta perde bo autoridad. Esey ta loke mester wordo evita.
