Ta tradicion cu riba anochi di 31 di december semper, tanto dirigentenan di gobierno como lidernan politico di oposicion tin mensahenan televisa pa pueblo.
E aña aki , partido AVP a keda sorprendi pa un desicion di Tele Aruba cu no lo permiti e mensahe di partido di oposicion y a reserva espacio di transmicion unicamente pa dirigentenan di gobierno.
Esaki ta un paso cerca na dictadura den media dirigi pa gobierno. E interogatorio grandi ta si SETAR NV cu ta e accionista / doño di Tele Aruba ta aproba e censura aki di Gerencia di Tele Aruba, probablemenente instrui pa Ministernan di Gabinete Wever-Croes.
A busca pa haya contacto cu ir. Roland Croes, Director di SETAR NV pero no a logra haya contacto cune pa haya un reaccion riba e censura grave aki.
