Faltando un dia pa termina 2019, Compra Ltd. ta contento di por a finalisa e campaña di loke ta P&G Rewards.
Segun Ana Maria Ramirez, ta un campaña unda cu durante e ultimo dos lunanan a bishita diferente districto rond di e isla, pa asina parti premionan instantaneo y ta na e ultimo dos dianan p’asina e comunidad di Aruba por participa pa gana premionan grandi.
Tin 3500 florin na travel voucher pa por biaha den 2020 pa e destino di bo escogencia. Tin tambe bonusnan di mil florin cash pa bo por cuminsa e aña 2020 cu un tiki placa extra, un bonus y esaki cortesia di e marcanan Procter & Gamble.
Tin mas cu 25 marca participante, marcanan mundialmente reconoci manera Pantene, Gillette, Charmin, Bounty, desde bo detergente preferi, Tide, Ariel, Downy como bo suavisante.
Tin papel di WC, Charmin, tin Oral Care, productonan manera Crest y Oral B.
Ta leuk pa ta na e puntonan di benta y topa cu e ganadonan anterior cu a gana hunto cu e marcanan di Procter & Gamble, cu tambe ta purbando nan suerte e temporada aki, pa asina gana grandi cu e marcanan di Procter & Gamble.
Pa participa ta masha facil. Bo ta cumpra dos producto di e marcanan di Procter & Gamble, balor minimo di 25 florin, bo ta skirbi bo nomber, adres y telefon riba e recibo original y ta deposita esaki den e cahanan promocional cu ta situa na supermercadonan rond di nos isla of bo por whatsap’e na e marketing line di Compra 5927681 tambe, si esey ta mas facil, pa bo tambe por participa.
Ultimo dia pa participa ta dia 31 di december y den e prome siman di 2020 lo ta colectando tur e cahanan promocional pa asina saca e ganado.
Compra Ltd. kier a desea henter e comunidad di Aruba, un prospero aña nobo, hopi salud, bendicion. Tambe henter e team completo di Compra Ltd. y tambe e partnernan, tur supermercado, tur punto di benta, danki pa e cooperacion den 2019 y sigur lo sigui cu yen di emocion pa sigui sirbi e comunidad den 2020.
Agnes v/d Linden ta un di e ganadonan di aña pasa y e aña aki e ta participando un biaha mas hunto cu Compra Ltd. pa wak si e tin suerte pa por gana un premio.
Tin diferente escogencia di producto cu por haci. Manera cu a bis’e, v/d Linden a gana un premio instantaneo di parti di Compra Ltd. Ta gradici Compra Ltd. pa por duna e oportunidad pa gana un premio atrobe.
