Den Quaststraat na Playa a cuminsa un discucion formal entre bisiñanan pa e motibo desformal cu ta para den e caya menciona.
Polis mester a presenta pa intermedia entre e dos e partidonan relaciona cu e manera cu ta staciona den e caya aki.
E persona ta conta cu su bisiña no tin consideracion den e manera cu e ta para y ta obstaculisa e trafico. E ta staciona su vehiculo dilanti su porta di cas y ta pa e motibo aki el a bay atende cune y apela na su persona pa move e autonan for di dilanti su cas.
E peticion no a cay den bon tera.
El a rabia y enbes di coopera y no para e 2 vehiculonan dilanti porta di cas. El a bolbe y para eynan. Trafico no por pasa. Na momento cu polis a yega na sitio a pidi pa move e vehiculo y record’e riba e echo cu e no por para riba caminda asina ey. Cu e tin cu busca manera pa staciona corectamente sin stroba trafico.
Tambe a duna un advertencia cu si acaso tin cu regresa y haya e vehiculo riba caminda lo takel esaki bay cune y riba su gasto. Si situacion continua lo bay mas leu y pone un borchi di trafico den dicho caya pa prohibi pa para den e caya.
