Polis tabata man yen awe nochi cu’n grupo di hoben riba low rise hotel. Pa mas of menos 9:00pm polis tabata buscando un grupo di por lo menos tres hoben cu mester a horta bais den e area turistico. Mesora a cuminsa cu un buskeda den e area di Divi Phoenix, Azure te cu Amsterdam Manor.
Un patruya atento a topa cu e grupo aki den e mesun area menciona pero nan a core ora a mira polis. Ta tur motibo pa pidi refuerso di unidad di Noord y tambe Playa. Un rato despues un agente a topa cu’n bais den lama, ora a mira un tiki mas leu a topa un hoben ta purba sconde den awa.
E no por a haci mucho debi cu ya a capt’e den lama algun meter leu di unda el a laga e bais. A confisca dos bais y a deten’e un di e hobennan aki. Parce e otronan a huy bay direccion di Divi Phoenix, a busca den e area pero no a topa cu nan. Esun cu a keda deteni lo tin di bay duna cuenta na un sub fiscal di su accionnan.
