Kevin Hassell ta un mecanico conoci y a bin cu e idea di organisa un fundraising pa un bon causa. Despues cu 3 Arubiano a bay check si enberdad e curpa haya tabata di nan amigo disparce, autoridad Venezolano a detene nan y awo nan ta pasando mal rato. Varios biaha el a manda un tiki placa pa nan, asina pa nan por tin co’i come. Awor cu el a mira cu 2 a bira flaco, el a dicidi di tene un Car and Bike Fundraising.
E ta haci esaki cu e meta di recauda un tiki placa pa nan. Ta tene e show di auto y brommer tanto paden como pafo di cura. E fundraising ta drive thru, unda cu lo tin hendenan para na banda of bou tent cu caha di colecta placa. Si pueblo di Aruba por duna sikiera 1 florin, 5 florin of kico cu ta, pa asina manda nan placa.
Nan a laba e autonan p’e show y ta conta cu mas o menos 30 brommer. Hassell ta gradeci tur cu ta yudando pa haci esaki posibel. E ta pidi pa yuda cu kico cu ta pa asina logra colecta algo y manda esaki p’e 3 Arubianonan na Venezuela.
