Diabierna dia 3 di juli 2020 pa 3:00pm ta topa cu tur esunnan cu ta malcontento cu e castigonan abou cu Huesnan ta dictando contra abusadonan di mucha specialmente. Despues di entrega un manifiesto na Corte, lo marcha bay Parlamento banda di 5:00pm y despues sigui pa Bestuurskantoor.
Yuri Bracho a conta nos awe dilanti edificio di Corte cu no ta prome biaha e ta organisa marcha contra abuso di mucha. Pero lamentablemente nada a sosode ainda. Ta pidiendo pa aumento di castigo di prizon, miho trato y guia pa e victimanan y ayudo profesional pa e violadonan mes, pasobra obviamente nan tin un problema nan mes. Bracho ta consciente cu tanten no soluciona y cura e violado di su “malesa” cu e lo sigui recluta victimanan.
El a haci un apelacion riba union, pa organisacionnan y gruponan cu e mesun meta pa cana hunto den esaki pa forsa un solucion structura pa evita mas caso lamentabel di abuso sexual di mucha.
