SVB a mira un adelanto den 2017 y ainda falta

181
Special di Diamars Ling Sons
Send a Tip 24 Whatsapp
CMB Ban Cobra
Download nos App
Hyundai i10
RBC Loan Calculator

Miles di hende ta depende di SVB y ta bon pa sa con nos ta para cu e instituto aki. Director di SVB, Edwin Jacobs a splica cu aña 2017 tabata un aña cu basta movecion cu SVB, tanto riba nivel di organisacion como desaroyo den e fondonan.

ecosport
CIBC Get Moving
Redfish lunch Special Sept
Montero 1 Summer

Tabata un aña di un banda exitoso, pero di un banda tambe ta constata cu expectativanan cu tabata tin, no a logra yega nan. Si wak pa e banda di e fondonan, ta mira cu e parti economico ta keda hunga un rol. E fondonan ta ricibi nan entrada for di prima di trahadonan y na momento cu e economia no cana na e ritmo cu bo ta pronostica na prome instante, ta nifica cu e entrada ta keda un tiki atras y ta mira esey den 2017, cu a inicia e aña cu un pronostico di crecemento y durante aña a ahusta esaki. Entre otro pa motibo cu e apertura di e refineria no a tuma luga.

E tin su efectonan riba e entradanan. Asina mes a mira cu e prima di pensioen di AOV a aumenta cu 5.1%. Un desaroya positivo, pero a spera cu e tabata un crecemento poco mas grandi y a trece cune cu de e fondo di AOV, lo tin un deficit chikito. Ta pone cu a pensa cu e aña aki, e reserva den AOV lo aumenta, pero esey no ta e caso na e momentonan aki. Ta mira cu e cantidad di pensionado den e netto a crece cu 79 te awor aki conforme proyeccionnan, den cual 609 tabata pensioennan nobo y a kita for di nan lista 633 pensionado pa motibo cu e fayece.

E fondo di AOV ta den proceso di recuperacion. Door di e crecemento economico cu a keda atras, e primanan a keda un tiki atras, y tin un deficit chikito. Pero ta premira cu pa otro aña por conta cu un surplus chikito caminda cu por sigui laga e reservanan crece.

Pa loke ta e seguro di e trahado si ta mira un desaroyo mucho mas positivo. Ta mira te cu 11 luna di e aña aki, e cantidad di trahadonan registra na SVB a crece cu 2829 trahado. Un crecemento impresionante di 6.5%. Esaki naturalmente ta trece cun’e e entradanan tambe di e seguro di malesa y accidente ta aumenta. Esaki ta sigui fortifica e proceso di recuperacion cu a inicia cun’e na 2016. Un parti esaki ta debi na e cooperacion cu ta existi entre DIMAS y SVB y di otro parti tambe, e introduccion di e boet administrativo cu tambe ta hunga un rol. No ta kita afo tambe cu e crecemento economico cu nos ta mira, ta refleha den e crecemento di e prima di AOV di 5.1% di entrada di prima, tambe ta contribui na e aumento di cantidad di trahado. Tin cu conclui tambe cu e fondo di seguro di malesa, tambe ta completamente ainda den pleno recuperacion y ta premira cu manera cu ta traha e plan di recuperacion total pa 2020 e fondo akinan mester ta un fondo liber di e debenan cu e tin pa motibo di e crecemento reservanan cu ta trahando riba dje.

Den e parti organisatorio tin cu bisa cu a dal pasonan firme contundente. Manera ta conoci, a anuncia na comunidad, SVB ta riba caminda pa transforma su mes di un organisacion tradicional pa uno completamente digital na final di añanan 2020.

E añanan aki a dal poco paso firme den realisacion di e transformacion aki pa 2020.

Comments

comments

AC Delco 20% Service
Dragon Fly
home improvent
Test Drive Cordia Carnival Village y Do It