Ta busca pa paga restitucion riba e mesun aña

327
i10 Sedan
Send a Tip 24 Whatsapp
Special di Diamars Ling Sons
RBC Loan Calculator
CMB Ban Cobra
Download nos App

Un tema cu pueblo ta hopi pendiente di dje ta Restitucion. Placa cu nan tin cu haya bek. Directora di Departamento di Impuesto, Luenne Gomez-Pieters ta splica cu nan ta atrasa. Ta informacion cu nan tabata tin desde cu a cuminsa como directora na Departamento di Impuesto na 2015.

Redfish lunch Special Sept
ecosport
CIBC Get Moving
Montero 1 Summer

A entama un caminda, unda cu structuralmente a cuminsa traha riba e restrasonan cu tin. Conhuntamente cu tur e hefe di e departamentonan cu tin, cu ta concerni e aangiftenan cu tin cu wordo traha ariba.

A cuminsa ta atende cu esakinan. Por anuncia toch cu un sentimento di satisfaccion cu ta cabando cu 2013 practicamente. 2014 a cuminsa ta procesa no den masa grandi, pero den cantidadnan chikito pa por controla e aanslagnan cu ta wordo opgelegd, si esaki ta sosode manera mester ta, pa despues por cuminsa cu e massale verwerking di 2016. Clientenan ainda por spera afronding di 2013. Ta bezig ta pagando tambe restitucionnan di 2013 ainda. Tin cu comprondemento cu directie financien caminda cu ta haya cen deposita pa por paga e restitutie tambe segun e termino ta stipula y pa cuminsa cu 2014. Pa otro aña 2015, ta poni riba planning y 2016. Pa esnan cu no a entrega nan formulario di inkomstenbelasting 2016 ainda, nan no ta den default, pasobra e deadline ta apenas cuminsamento di April otro aña y lo yega otro aña na manera cu un caminda cu un cliente ta entrega su aangiften inkomstenbelasting y den e mesun aña ey lo haya su restitucion. A haal in e atrasonan cu tabata tin. Den dos aña y mey pa tres aña, a bin structuralmente ta trahando riba e retraso cu tabata tin. Awo falta ainda 2014 cu a cuminsa. Por anuncia esey tambe. 2015 y 2016 ta planea pa otro aña. Lo percura e ora pa ora cu e aangiftenan wordo entrega den e mesun aña e ta wordo procesa.

Departamento di Impuesto ta acepta retraso pero placa t’ey pa restitucion.

Posted by 24ora on Tuesday, December 26, 2017

Si tin un ley cu ta obliga departamento di impuesto, mantene su restrasonan tambe bij, Gomez-Pieters semper ta haya e chasco caminda cu bahamento di peso tur hende por, pero pa mantene e peso ta e reto. Mescos cu aanslag. Tur hende por haal’e in, pero awo tin cu percura pa mantene. Pa mantene por sigui den e mesun caminda di trabao cu ta haciendo. E departamentonan a cuminsa custuma cu e ritmo cu nan mester traha. E produccion cu nan mester draai, pero tambe tin otro cambionan di ley cu por obliga departamento di impuesto pa regel nan restitucion dentro di cierto terminonan. Por ehempel voldoening aangifte systeem cu ta conoci pa winstbelasting. Pa inkomstenbelasting tambe por ta e caso, caminda cu ta pone extra rekisito den e ley ey cu belastingdienst, dentro di seis luna, por procesa e aangifte inkomstenbelasting y si no haci esaki, gobierno por paga un tipo di interes. Sr. Andin Bikker a yega di bisa den pasado cu e sistematica ey lo por traha. Pero lo mester duna si e espacio pa por ta completamente bij cu e retrasonan pa despues por cuminsa cu un clean sleeve y percura pa keda mantene e proceso manera mester ta.

Cuanto placa ta bay na restitucion

Segun Gomez-Pieters, e por core den banda di 7 pa 8 miyon florin. Depende. Tin pago tambe ta sosode. Inkomstenbelasting tin cliente cu tin cu paga. Otro clientenan ta haya restitucion. E ta core den careda di un 7 pa 8 miyon.

Di financien

Ta hayando placa for di financien structuralmente, pa asina por procesa e restitucionnan.

Prioridad

Ta un prioridad pa duna bek, pasobra hopi biaha ta haya como critica, e cliente ta bisa cu tin cu paga e grondbelasting, tin cu paga e erfpacht, tin cu paga impuesto di vehiculo di motor, pero di un otro banda, departamento di impuesto debe e cliente. E critica ey, e feedback eynan ta hustifica. Pa e departamento ta un prioridad. Un belastingdienst cu ta funciona eficiente, tin probecho pa pais Aruba, pa e clientenan y e trahadonan. Kiermen manera cu haya algo mester proces’e mas pronto posibel pa e cliente tambe por haya su restitucion.

Manpower

Tin suficiente hende necesario. Ta mirando tambe riba otro tereno manera tecnologia, cu por sostene departamento di impuesto den esaki, caminda cu lo kier wak pa otro aña, pa fin di aña of comienso di 2019, pa digitale aangifte, caminda cu e clientenan por yena nan formulario di impuesto y entrega esaki digital, enbes via papel, e ta spaar placa pa print tur e formularionan aki. Mester corda pa inkomstenbelasting tin 40 mil cliente cu tin cu print aangifte pa nan. E aangifte biljet ta consisti di mas of menos 16 pagina. Ta hopi papel, ta hopi ink. Eynan por spaar ora ta trata gasto. Si tin e aangifte digital disponibel pa e cliente y si e cliente por entrega esaki digitalmente, por facilita e cliente, cu no mester bin y entrega e papelnan di impuesto y por haci esaki via website di Departamento di Impuesto.

Comments

comments

Dragon Fly
AC Delco 20% Service
home improvent
Test Drive Cordia Carnival Village y Do It