SVB kier pa 2020 ta full digitalisa. Cu tur servicio ta digitalisa completamente y en bista di esaki, durante 2017, a logra introduci diferente servicio digital, como tabata e notificacion di AO, inscripcion di empleadonan online, diferente declaracion cu ta duna riba website tambe. Segun Cristian Garcia ta funcionario di riesgo di SVB, tin tambe loke ta peticion di pago di ziekengelden cu ta hopi mas facil pa e companianan tambe. Durante 2018, a bay un paso mas leu pa loke ta e servicionan digital aki.
A introduci mas of menos un 2 siman pasa, ta e inscripcion di companianan den forma digital.
Kico esaki ta duna
E ta duna un paso mas leu pa e companianan cu ta nobo, cu kier registra of cu tin mester di registra cerca SVB, pero ya cu no tin cu bay te na SVB pa por haci esaki. Esaki ta awor aki tambe disponibel riba e website. Por bay riba e website, bishita y mira kico ta tur e servicionan cu tin digital, cual tambe lo forma parti di dje caba, cual ta e inscripcion di e companianan den forma digital.
Un cos cu Garcia a agrega ta cu tur esnan cu ta desea di inscribi compania, ta recomenda pa bishita prome e website, wak kico ta tur e rekisitonan. Pa ora di inscripcion di compania, tin hopi documentonan cu tin mester, manera KvK entre otro. Tin mester tambe lista di tur empleado cu ta bay cuminsa traha cu nan tambe. Ta recomenda pa bishita prome e website, wak kico ta tur e rekisitonan pa inscripcion di un compania nobo. Na momento di inscripcion di compania online, bo mester tin tur e rekisitonan aki disponibel y den computer gesaved of den telefon, depende con ta bay haci esaki. Pero mester tin’e disponibel si, pasobra tin cu upload pa SVB haya tur informacion.
Na momento cu haci solicitud pa inscripcion di e compania nobo, un persona di Premie Heffing lo tuma e solicitud, pasa door di dje, controla e informacion cu e doño di compania a suministra ta corecto y completo. Na momento cu procesa, haci full e inscripcion di e compania nobo aki, nan lo tuma contacto via email cu e doño di e compania, pa notifica cu e compania a keda registra y kico ta su codigo di SVB cu e ta haya, mescos cu tur otro compania. Tin un werkgeverscode y esaki lo notifica mediante un email tambe. Esaki ta e servicio nobo cu SVB a introduci dos siman pasa. Ta contento di por bisa cu SVB tin e opcion aki pa tur e empresanan nobo cu tin mester di inscribi na momento cu tin empleado.
Aparte di esaki tambe, Garcia a menciona cu loke tabata e inscripcion di empleadonan online, tin hopi compania cu ya ta haciendo uzo di esaki. Por bisa tambe cu mas of menos 30 pa 35% di inscripcion ta bayendo den forma digital caba. Esaki ta duna un bon bista di e forma y e servicio cu SVB ta dunando y e bon acogida cu e companianan tin na Aruba cu e servicio aki. Ta contento cu e forma cu esaki ta bayendo. Pero kier a promote mas e inscripcion den forma digital aki. E forma di esey, a introduci tambe un link nobo riba nan website, cual ta “registra pami SVB”. Ta un formulario cu doñonan di compania por yena pa esnan cu no tin e servicio di inscripcion online. Nan por yena esaki y asina ta haya e peticion di nan. Lo tuma contacto via Email pa duna kico ta e pasonan pa sigui pa por haya e servicio aki disponibel pa e compania tambe. Esaki ta e forma di facilita pa esnan cu kier haci uzo di e servicio di incripcion di empleadonan online tambe.
