Diabierna anochi tabata tin continuacion di campeonato di AVB 2017/18 unda cu e dos teamnan grandi a topa otro. Sv Britannia Vitamalt/ Bright Bakery a presenta cu e siquiente aliñacion; Arthur Werleman, Carl Geerman, Rodymar Paesch, Glembert Kock, Luis Murillo, Niño Ulises, Renier Paraez, Luis “Coco” Estrada e Rookie Moises Castro, Hugo Martina y Rhaf Godoy. Ariba banki tabata tin; Leyon Croes, Cristian Navarro, Jeffrey Zoutendijk, Carlos Caro, Ruben Gutierrez, Alex Moreno y Shanika Godoy.
Pa locual ta e wega mes nos por bisa cu Britannia Vitamal / Bright Bakery a domina mayoria di e wega y tambe a crea hopi mas oportunidad di gol compara cu RCA. E gol di Britannia a bin na di 70 minut for di un corner tuma pa Coco Estrada unda cu Rodymar Paesch ta tira ariba gol y na ultimo ta Rhafotsky Godoy ta anota e unico gol di anochi y cu cua gol Britannia Vitamal / Bright Bakery ta gana e wega cu score minimo di 1-0. Cu e Victoria aki di Britannia Vitamalt / Bright Bakery ta acumula 4 punto den dos wega mientras di otro banda RCA ta mantene 6 punto den 3 wega hunga. Un pabien grandi ta bai awe Britannia Vitamalt / Frisian Flag y tambe pa Moises Castro cu a hasi su debut den division Honor y ta un hungador cu tin hopi prospecto pero ta un hoben cu mes cuida bon.
