Stichting Ambiente Nobo ta pasando den un situacion hopi dificil awor aki. Segun e coordinado, Angelique Perez, pa 7 luna e fundacion no a ricibi su subsidio di Sociaal Crisis Plan. Esey a pone cu awor aki si ta hopi dificil pa nan por sigui, mirando cu pa un luna, por rek. Dos luna ta preta, pero awor aki 7 luna, ta suficiente. Door cu ta cay awor aki hunto cu Sonrisa y tur ta traha hunto, den e prome lunanan tur a yuda otro y a logra cera salario pa e trahadonan. Pero e luna aki, esaki no tabata posibel.
Nan mes ta sin fondo door di a uza tur reserva pa a sostene e fundacion aki pa por sigui draai. Awor aki lastimamente nan no tin nada, ni pa sostene extra. Esey ta pone cu diahuebs, dia 6 di augustus, e trahadonan a haya un voorschot y no tin otro placa pa paga nan. Esey ta e
escalando pasobra e trahadonan tambe ta haya fastioso cu no por cumpli cu nan.
A yama tur caminda caba, tur hende sa di e situacion aki. A haci e parti oficialnan prome, contact Directie Sociale Zaken, contact minister contact financien y tur ta bisa cu ta poni pa paga. Sa e situacion, pero mester sa kico lo haci e proyecto aki si no ta ricibi loke eigenlijk a
wordo presupuesta pa e fundacion den e Sociaal Crisis plan. A bisa cu lo yama e fundacion, caminda cu e minister encarga lo a keda di yama.
Pa nan e parti ta cu nan mester sa pa por bisa e trahadonan, kico nan ta spera di nan como directie. Si mester cera, mester avisa nan pa asina nan por busca un otro trabao. No por sigui crea debe of keda pendiente cu por ta ki fin di aña lo haya placa pa paga nan. Nan tambe tin gasto y famia tambe.
Stichting Ambiente Nobo
Stichting Ambiente Nobo ta un instancia cu ta traha pa personanan cu limitacion, hende grandinan di laag niveau. Cabesante di e fundacion, Lila Mackay, a comenta cu e ta un pasadia pa personanan cu limitacion pa edad di 18 aña pariba te cu 60+ cu e nivel di mas abao. Ey nan ta brinda actividadnan recreativo, pasa tempo y haci cosnan alegre, den un bon ambiente cu e clientenan y esey a bin ta haciendo desde cu Sonrisa a tuma over e fundacion y cu un subsidio di Sociaal Crisis Plan.
Diahuebs nan ta den e situacion unda cu nan mester a manda tur cliente cas, door di Coronavirus y tambe sin un fecha pa bin bek, door cu no tin e subsidio. Nan no tin e placa pa sigui draai e programa, ni tampoco pa por cubri e gastonan pa e fundacion.
Cuanto cliente nan tin
Prome cu coronavirus, nan tabatin 48 cliente. Pero debi na e virus, ora cu a habri bek, nan tin 18 cliente, mirando cu mester mantene distancia social. Nan ta un total di 5 trahado, 4 leidster y e mes como e Centrum Hoofd. E ta dificil, no solamente pa e salario pa e trahadonan, sino tambe pa sigui brinda e servicio di calidad cu nan a bin ta brinda e clientenan, cu nan tin e oportunidad pa participa den e comunidad mescos cu cualkier otro persona cu tin derecho di esaki. Nan tambe tin e derecho aki pa nan haya e actividadnan aki. Pa esaki, e fundacion no tin e placa mas pa haci esaki.
Nan deseo
Angelique Perez a agrega cu riba Facebook, a drenta e comentario pa pone number di cuenta. Esey ta loke nan por haci pa por haya algo pa nan hinca den gasolin pa busca e clientenan na cas. Awo, DVG tambe a manda bisa cu mester cera, pasobra ta clientenan grandi y tin riesgo
halto pa nan. Tin cu gradici si na DVG cu nan por a duna e voorschot, pasobra nan ta cay en realidad bao di e parti di DVG. Cu esey nan por a sikiera duna un voorschot na e trahadonan. Pa loke ta Sociaal Crisisplan cu ta vul bij e servicio cu nan ta duna nan ta wardando riba dje.
