Director di KIA ta avisa, en particular famia, abogado, departamentonan concerni cu ta bishita detenidonan den KIA, cu entrante dialuna dia 10 di augustus 2020, ta para tur bishita pa motibo di e situacion di Covid-19. KIA ta preparando pa detenidonan por tin contact cu nan famia, abogado y diferente departamento concerni por medio di Skype cuminsando dialuna awo dia 10-08-2020. A tuma e decision aki pa siguridad y salud di cada detenido y personal den KIA.
KIA ta pidi tur bishitante pa notifica nan ser keri cu ta deteni nan Skype account. Den caso cu e famia no tin un Skype account, ta pidi cariñosamente si bo por traha un pa asina por brinda e comunicacion entre bo persona y bo ser keri mas pronto posibel. KIA lo notifica si lo tin cualkier cambio den e bishita.
KIA ta pidi comprension pa e situacion aki y ta desea pueblo di Aruba pa sigui e reglanan cu Gobierno a duna y pa cada un di nos cuida salud.
