Pensando den un manera creativo y innovativo pa nan celebracion di carnaval, St Paulus school e biaha aki a presenta su parada durante oranan di anochi cu e tema “ Glow with the flow”
Na mes momento a usa e ocasion pa incorpora nan celebracion di 55 aña di e scol den e festeho. Un ambiente formal, caminda alumno, maestro y mayornan a disfruta cu e tremendo animacion musical di Spectrum Sound Aruba.
Un Lighting Parade cu sigur a deslumbra cu e colornan neon y hopi luz. Como parti di e anochi tambe tabata tin kimamento di Momo pa bisa ayo na carnaval di parti St. Paulus school.
Tin cu bisa cu e tabata un anochi sumamente exitoso caminda cu tur presenta a gosa inmensamente y a baila riba dushi ritmo di carnaval. Pabien na tur cu a forma parti di e grupo organisatorio pa un super actividad. Tur hende a Glow mahestuosamente.
