Aruba Softball Bond a continua cu Liga Especial HEINEKEN unda Spuiters a enfrenta Macuarima Indians. Pa Spuiters a inicia e lansador international Andres Cantillo Gonzalez mientras cu pa Macuarima Carlos Croes a mira acion riba monticulo despues di basta tempo.
Andres sinenbargo tabata tin control di henter e wega y ta resulta pitcher ganador lansando 49 lansamento di cual 23 tabata bola y 26 strikes, permitiendo 0 hit, 2 base por bola, 4 ponche crema y 0 careda. Henk Arnold ta drenta ultimo inning y ta releva Andres permitiendo 2 hit pero ya hanja wega salva riba su nomber. Carlos Croes ta bira e pithcer perdedor tirando 31 bola y 57 strike pa un total di 88 lansamento permitiendo 10 hit, 6 careda limpi, 2 ponche, y 1 base por bola. Spuiters 10 careda, 10 hit, 2 error. Macuarima 0 careda, 2 hit, 5 error. Mihor bateadornan pa Spuiters a resulta Kenny Hart 3-3, Jeandrick Croes 3-2 cu 3 RBI, Gilward Wester y Ludwig Dabian 2-1, Sandrick Wester di 3-2. Pa Macuarima Carlos Croes a bay di 1-1 y Ray Bernabela di 2-1. Campeonato di Liga Especial den pleno acion y lo continua dialuna 7 di Mei riba veldnan na Pos Chiquito.
