ATCO Concrete a celebra 75 aña di servicio di empleadonan

Empleadonan di ATCO Concrete Products a bini hunto pa celebra e añanan di servicio di empleadonan Hector Capellan, Luis Machado y Robby Fingal. E empleadonan a celebra nan añanan di servicio hunto cu nan famia y coleganan, unda tur presente a disfruta di un dushi ambiente .

Hector Capellan a cumpli 20 aña di servicio cu ATCO Concrete y e ta un chauffeur di truck. Richard de Veer, Acting Managing Director di ATCO Concrete Products, a conoce Hector Capellan 11 aña pasa y ta recorda diferente momentonan ameno cu el a pasa. El a expresa e aprecio grandi cu e tin pa Hector, specialmente di a mira con Hector ta cuida su truck cu e ta core. Hector ta un empleado cu ta cumpli, bon cooperado y serio den su trabou. Hector Capellan a gradici p’e oportunidad cu el a ricibi pa ta unda e ta awendia y tambe el a gradici su famia.

 Luis Machado a cumpli 25 aña di servicio y tambe ta un chauffeur di mixer truck. Robby Fingal a expresa cu hopi aña a pasa y ainda e ta core mixer, cual el a core diferente di nan. Luis Machado ta un persona ehemplar pasobra ora di pidi’e pa traha e ta percura pa ta na tempo. Tambe por depende di dje pa bai te laat cu e trabounan.

Robby Fingal a cumpli 30 aña di servicio cu ATCO Concrete y e tin hopi recuerdo cu e compania. Richard de Veer a expresa cu Robby Fingal tabata e prome operador di e planta di concrete y e tabata encarga pa entrega concrete pa Hyatt y Sonesta. Robby Fingal tabata cu e compania desde inicio, unda el a traha cu diferente proyecto. E ta un persona leal na su trabou y semper t’ey te na final di tur trabou, di cual pa nan e ta un persona clave den e compania y semper ta pusha pa make it happen. Robby Fingal semper ta dispuesto pa cla pa yuda na unda cu mester y ki ora cu tin mester, basta cu get the job done. Robby Fingal a gradici su señora y famia p’e por a yega su 30 aña, specialmente ora cu tabatin dianan largo.

Desde aña 1990 a crea ATCO Concrete, e tempo ey riba parkeerplaats di Hyatt Regency Hotel & Casino. Esaki tabata nan di dos cliente, e prome tabata Sonesta Hotel. Na 1992, ora a caba cu construccion di Hyatt, a muda pa nan edificio actual na Barcadera. Ta bon pa bisa cu na un principio e compania a inverti den un planta di concret cu por a produci 8 m3 den mey ora. Asina nan por a produci 16 m3 pa cada ora di produccion. Mientrastanto, den e añanan, debi na demanda y mercado, a inverti den un di e plantanan di concret mas grandi y miho den henter Caribe, cu ta produci 120 m3 pa ora. ATCO Concrete tin 8 empleado, cu ta maneha 3 mixer, 1 loader, 1 operator y 1 backup operator.