Bolicheronan femenino Thashaina Eliza Leandra Seraus y Kamilah Dammers-Naddall a conoce un aña 2018 di soño. Recientemente den torneo Pan Americano di bowling conoci como Campeon de Campeones na Rio de Janeiro, Brazil, e dos bolicheronan femenino di Aruba por pone nan mes den e rij entre e mihor bolicheronan na mundo.
Den e torneo di PABCON unda e e mihor bolicheronan di e continente America ta hunga Seraus y Dammers a obtene no menos cu 6 medaya di cual 3 di Oro, 2 Plata y 1 di brons. E trajectoria di e dos hungadornan di bowling desde 2010 ta un triunfo grandi pa Aruba den exterior. Premionan logra desde 2010 ta mucho hopi pa menciona, sigur si nos conta tambe e parti colegial/universitario di ambos atleta na Merca.
E aña 2018 tabata esun di mas mihor te cu awor unda a logra medaya den weganan importante manera Weganan Sur Americano Cochabamba, Bolivia y e Centro Americano y del Caribe Barranquilla, Colombia. Si nos resumi e logronan di Thashaina y Kamilah den 2018 por bisa cu sin duda pa ambos ta un di e mihornan den nan carera como bolichero. No tin duda cu tanto Kamilah como Thashaina a logra merecidamente e prestigioso galardon Premio Excelencia den Deporte como Aruba su Atleta di Aña na dos ocasion. Ta bon pa remarca cu pa un exito individual semper tin yen hende su tras. Pa e motibo ey mes tin cu manda palabra di pabien na e compañeronan di Team Aruba tanto femenino como masculino cu sigur tambe ta forma parti di cada exito, e lucha pa subi riba podium ta di tur. E staf di coaches, entrenadornan, dirigente di ARBAS Aruba Bowling Association pa e tremendo trabou desplega, tur e oranan di entrenamento ta paga cu e medayanan.
Stichting Sportsubsidie Aruba na varios ocasion a percura pa e atletanan a biaha pa campo di entrenamento pa asina keda den e mihor forma posibel como atleta elite. Cada apoyo y sosten duna na e federacion y nan atletanan a paga cu logronan grandi pa nos pais. Pabien Thashaina Seraus y Kamilah Dammers, coachnan, mayornan y e federacion di ARBAS.
Lotto, e loteria di Aruba tin diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e weganan di Raspa y Gana. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
