Den un carta firma pa Presidente di Stichting Voorgezet Onderwijs Aruba (SMOA), esta Robert Croes, dirigi na Obispo Luis Secco, el a confirma cu no tin ningun sorto di crisis na Colegio Arubano, pues no tin ningun necesidad pa nan tuma retiro. Es mas, e directiva cu ta encarga pa maneho di Colegio Arubano a solicita pa duna nan un chens pa sikiera por defende nan mes di e acusacionnan contra nan.
Den caso cu e directiva di SMOA ripara cu e Obispo no ta capas pa por sinta cu nan y tuma un posicion neutral den e discucion, e ora lo no keda nan nada mas di acerca Arsobispo, bou unda e Obispado di Willemstad ta resorta. E miembronan di e directiva a corda e Obispo cu nan ta trahando den forma boluntario y cu no tin ningun necesidad pa nan baha for di nan posicion.
Un di e puntonan cu a sorprende e directiva mas, ta e hecho cu Obispo ta menasa cu si e miembronan di directiva di SMOA no tuma nan retiro, cu lo acerca Gobierno pa wanta cu e subsidio na e scol. E directiva ta sinti cu esey ta un medida demasiado pisa, pa pone presion inecesario riba maneho di e scol y cu lo tin consecuencia pa e studiantenan mes.
Loading…
Reload document 
Open in new tab 
