Mama desespera pa violacion di derecho di yiu pa haya educacion special

4294

E team di 24ora.com a combersa cu Melany Corea, kende ta desespera pasobra dianan ta pasa y no ta haya e oportunidad pa su yiu haya e educacion cu e tin derecho riba dje.

E tin un aña caba canando un caminda di cruz pa haya un diagnostico di e problema di su yiu. Mientras cu e ta den e lucha aki, el a trata di inscribi su yiu via di MDC (Centro Multidisciplinario), pa mira si e por haya un cupo den Dorna Sol. E tin dos problema cu ta ADHD y autismo.

E mama cu lagrima na wowo a bisa cu su yiunan ta pasa den maltrato di mucha, pa bisa di un forma, pasobra por lo menos un di nan no ta haya e chens riba educacion.

Mama desespera pa enseñanza di su yiu special

Posted by 24ora on Thursday, July 9, 2020

Na Dorna Sol no por ricibi’e ya cu MDC a bisa cu no por ya cu nan ta exigi un test special. Sinembargo di otro banda, el a tende cu muchanan di kleuterschool no mester di haci e test pa por drenta un scol special.

E mucha mester di bay scol y e mester ta uno special, den klasnan chikito. NA Anglo Kleuterschool a haci un tremendo trabou pa yud’e, pero awo e mester move pa un otro scol y cu esaki no ta logrando pa keda cla.

Den e entrevista e mama ta conta tur e caminda cu el a cana te aworak y e desperacion cu e ta sinti pasobra e no ta hayando e ayudo. El a conta con el a adapta henter su bida, y awo e ta sinti su mes como un mama desespera cu kier lo miho pa su yiu.