SMAC ta haya sosten di tur grupo di carnaval pa sigui organisa carnaval

Dialuna anochi, tur lider di grupo a reuni na e oficina principal di SMAC pa por e evalua e temporada di carnaval 65 y na e mesun momento a evalua e 5 añanan di trabou profundo cu SMAC a bin ta haci den carnaval.

Lidernan ta hopi contento y satisfecho y a duna SMAC e mandato pa sigui organisa carnaval.

Presidente di SMAC, Shannon Henriquez, hunto cu su board ta hopi gradicido pa e confiansa cu tur lider di grupo ta brinda SMAC y cu hopi animo trabounan ta sigui pa carnaval 66.

Tur opinion y conseho brinda na SMAC pa mehora nos celebracion di carnaval a keda nota y ta bay traha pa sigui engradece carnaval di Aruba.

Comments

comments