Dia 14 di november, cual ta diadomingo awo, Sinterklaas lo ta yegando Aruba. Un biaha mas esaki ta bay di manera virtual.
Evelyne Frank, di Fundacion Sinterklaas, a indica cu ainda nan no ta haya permiso pa haci e yegada manera custumber. Y pa siguridad di tur hende y di e muchanan, nan ta prefera pa hacie di manera virtual, un biaha mas. Asina tambe e muchanan por haya un dia fantastico.
Riba e dia aki, varios medio di comunicacion, via nan diferente plataformanan, lo transmiti esaki pa 4:00 pm. Ta invita un y tur pa wak esaki na television.
Ta pidi e mayornan pa laga e muchanan kleur un pintura pa nan por participa y gana premio. Esey ta locual e Fundacion ta bezig cu ne. Nan lo tin un programa hopi extenso pa asina e muchanan por disfruta di e dia aki.
Evelyne Frank a sigui bisa cu riba e dia aki lo tin algun cos hopi leuk pa e muchanan por wak na television, diferente parti cu e muchanan mes a haci. Pa presenta e programa, cual ta uno basta intenso. Pero ta bay tin wega tambe interactivo cu nan lo por haci for di sala di nan cas.
Fundacion Sinterklaas ta invita tur e muchanan y nan mayornan pa wak e difer lo ente canalnan di television local. Canal 23 y 22 lo pase pa 4:00pm y Canal 13 lo pase pa 6:00pm. Canal 48 lo pase pa 6:00pm
Lo ta bay tin algun pregunta como tambe wega, unda cu e muchanan por participa den sala di nan cas.
Un invitacion na e mayornan pa participa hunto cu nan yiunan y pasa un momento super agradabel den famia.
