Awe madruga Polis a bay na un cas situa na Paramira, pa un homber sospechoso rancando na porta. Ey a topa berdad cu e sospechoso cu a declara na Polis cu e tabata un rato prome na Cas Casuela y ora el a regresa na su auto a haya e bentana di choller kibra. El a kere cu sigur ta su ex y e pareha nobo di e ex lo a comete e destruccion y a bay na e cas pa reclam’e.
Polis por a nota cu e pareha a caba di lanta for di soño, pues probablemente no tabata nan a comete e acto di destruccion riba auto di e homber. Pero mirando cu e homber tabata burachi y tabata molestia, a dicidi di detene y a hiba su auto destrui na Warda di Polis di Oranjestad pa evita cu e ta sigui busca problema den marduga.
