Tres aña pasa ora cu Raiz a bin den Gobierno, hopi na Aruba, mi mes incluso tawata tin un speransa positivo inmenso vooral di Su Excelencia Minister mr. Geoffrey Wever. Un profesional cu carera impresionante den sector priva y cu estudio universitario. Pero despues di tres aña, mi no por ta mas desapunta di tur loke mi a wak y maak mee.
Un di e factornan mas importante dicon mi a cuminsa skirbi publicamente ta pasobra cu a propone tanto na tanto proyecto innovativo pa pais Aruba. Cu un partido manera MEP ta pone hende for di wega completamente den tur sentido paso mi a critica nan publicamente durante campaña anterior, cual, den tur esey, ta un derecho cardinal di un ciudadano. Ta algo cu nos a custuma cu ne na Aruba.
Pero partido RAIZ no ta ningun tiki miho. Eigenlijk mas erg door cu ta implementa e ideanan di mi persona cu si ta pas net bon den e radar politico sin menciona mi persona den ningun manera. Mi por verifica tur cu lo sigui cu emailnan oficial y reunionnan cu a tuma luga.
VentureLab Aruba:
Hunto cu Prof. Dr. Aard Groen di Rijksuniversiteit Groningen (RUG) a propone di lansa un educacion special pa entrepeneurs, certifica dor di RUG uzando nan modelo di “VentureLab” cu ta uza caba na Groningen y Twente cu tanto exito y biyones den bentahanan economico na e ciudadnan concerni. Mi persona cu Su Excelencia Minister mr. Geoffrey Wever y Prof. Dr. Aard Groen tawata tin un meeting. Nunca a haya ningun follow-up despues. Pero si a tende cu Qredits a lansa 90% di e idea. Ok, esey por ta un coincidencia magico.
Innovation village:
Hunto cu e Director di Innovacion di KPMG Global a propone pa lansa un village di innovacion cu tecnologianan innovativo. Atrobe un meeting a tuma luga. Pero e proyecto no a bay door paso el a parce di mas riba un idea di Mike den pasado. Bonbini na politica Rubiano.
Ecosistema di agricultura
A propone pa trece experto di Maastricht su Brightlands campus y ecosistema di Hulanda. Esaki a haya un reunion cu e conseheronan. Nunca a tende algo bek.
Fondo di Patent di Hellenic Development Bank pa Aruba:
Hunto cu partnernan di un Banco di Development di Gobierno di Grecia, esta Hellenic Development Bank, a propone pa setup un fondo special pa intellectual property na Aruba cu lo haci intercambio di conocemento cu e fondonan di patent di Grecia y hopi otro pais. Letterlijk a trece e miembronan di directiva di HDB na un meeting virtual. A considera e idea aki “mucho radical”.
Bishita di Consul Honorario di San Marino
Tin mas ehempel tristo pero esun cu ta toca mi curason mas ta e bishita di e Consul Honorario di San Marino na San Francisco, esta mr. Paul Spiegel. Spiegel a bin fisicamente te Aruba riba su mesun fondo y tempo, pa yuda aporta na mi visionnan innovativo. El a letterlijk roga Geoffrey pa tuma mi ideanan na serio. Ta desapunta so nos tur a keda.
Politico First Class: Gobernante serio no
Como politico mi mester complementa Su Excelencia Minister mr. Geoffrey Wever como uno di clase superior cu sa precies cuant’or pa bisa, con pa bis’e den un manera sumamente sofistica y cu ta ehecuta un proyecto na precies e bon momento. Pero como un gobernante cu nos tur tawata tin tanto na tanto speransa den dje. Ta un desapunto di clase epico so mi persona a keda cu ne.
