Segun resumen di awe shete persona a recupera y tin un total di seis caso nobo di COVID-19 a registra di cual un ta no-residente. E cifranan aki ta representa un ‘Positivity rate’ bou di nos residentenan di 3%. E cantidad di casonan activo di COVID-19 pa awe ta 172 y cantidad di fayecido relaciona cu COVID-19 ta 171. Dato ta ilustra caso nobo di COVID cu un averahe semanal di diestres caso pa dia y un averahe di ‘positivity rate’ semanal di 8% pa dia.
Actualmente na Aruba tin dies persona interna cu COVID-19 di cual den ICU tin cuater persona. Riba piso general tin seis persona y na Colombia tin actualmente diesun persona den ICU y dos riba piso general.
