Den e dianan aki ta hopi tenso. Segun lider di Fraccion di MEP, Shailiny Tromp-Lee, un reunion cu ta hopi importante y cu lo tuma luga den parlamento, unda cu lo trata e ‘najaarsnota 2021’ y tambe e programa di gobernacion 2021-2025 di gabinete Wever-Croes II.
Ta momento pa pueblo tuma tempo tambe pa scucha, no solamente cifra. Un najaarsnota ta un refleho di loke a tuma luga. Presupuesto 2021 a aprob’e basta recien, esta dia 23 di juli di e aña aki. Un Najaarsnota ta meramente bin splica parlamento kico t’e cambionan cu a tuma luga te cu awo y cu lo tuma luga te cu fin di e aña aki y kico t’e cifranan real cu por premira.
Segun Tromp-Lee, despues di a repasa e Najaarsnota, e pronosticonan ta positivo. Compara cu gobierno a pronostica na mei ultimo, tin un adelanto y cu por mira nos futuro cu un bril mas positivo.
E parlamentario ta para keto un rato mirando e desaroyonan cu ta tuma luga. E ta trata cu no obstante pronostico riba tereno di turismo, economia, en berdad ta mustra un mehoracion. Mester para keto, e ta enfatisa, pasobra e situacion real di nos pais pa loke ta trata finansa, pa loke ta trata nos economia, ta hopi delicado.
Pa un cobertura mas amplio lesa e edicion di TREMPAN di mañan.
