Diaranson den careda di 12:10 pm, polis a haya informacion cu tabatin un accidente cu a tuma luga na Santa Cruz na altura di Napa Auto Parts.
Aparentemente, chauffeur di un Nissan Sentra, colo shinishi, pa un motibo of otro, a bay dal tras di truck di Arugas numera DT-44.
Chauffeur di e truck a bisa cu e auto a dal e truck net riba e taira. Pa loke ta e chauffeur di e Sentra, el a ricibi un kap basta bon na su cabes ora cu esaki a dal den e stuurwiel.
No obstante, el a bisa cu e no ta desea ayudo medico. Asina el bandona sitio, pero na altura di Well Well Bar & Restaurant ambulance a bin topa cu ne pa asina brind’e asistencia medico. Daño material riba e auto particular ta considerabel.
