Fraccion di MEP a sigui e conferencia di prensa unda cu Prome Minister mr. Evelyn Wever-Croes hunto cu e Prome Ministernan di Sint Maarten y Corsou como tambe Secretario di Estado, Alexandra van Huffelen a informa cu e Caribisch Orgaan voor Hervorming en Ontwikkeling (COHO) no ta bin mas pa Aruba. pero tambe cu e no ta bin den e formato, esta e bachi original, presenta na parlamento.
drs. Setty Yarzagaray, parlamentario (MEP), a indica cu esaki a bin despues di hopi combersacion, dialogo y discusion entre e cuater paisnan di Reino. A bin compronde cu COHO no tabata e miho, esta no tabata e formato, pa hinca locual Hulanda tabata kier pa condiciona e finansanan cu Aruba, Corsou y Sint Maarten a ricibi. Locual ta trata e condicionnan cu a haya pa ricibi e prestamonan, no tabata e miho manera.
E parlamentario a sigui indica cu e no ta solamente gobierno, logicamente tabatin hopi discusion. Pero tabatin un team grandi di ambtenaar su tras y ta di elogia tur nan trabounan. Yarzagaray a enfatisa cu parlamento a hunga un rol cardenal den e parti aki. Tur parlamento, esta di Corsou, Sint Maarten y Aruba, a ricibi e concepto dje rijkswet aki. Proceso legislativo a cuminsa unda parlamento por a haci pregunta tanto riba COHO y Rijkswet Aruba financieel toezicht (RAft). Parlamento tabata hopi critico y fraccion MEP a tuma e tarea asina importante door di bay den dje detayadamente. Nan tabata haci pregunta hopi critico y tambe pa futuro. Resultado di esaki ta cu no a haya un contesta real como parlamento. Pero awo despues di mira tur pregunta y sugerencia indica den e parti dje preguntanan haci pa parlamento, awo a bin c’un onderline gregeling. E onderlinge regeling en principio, un acuerdo mutuo, unda ta bay midi Aruba a base dje puntonan di landspakket.
Pa mas lesa TREMPAN.COM.
