“Comunicacion ta importante den e momentonan aki”, asina SETAR a cuminsa un mensahe SMS cu a manda ayera nochi na henter nan base di clientenan di celular. SETAR ta duna 8GB di LTE Data extra riba tur pakete di Postpaid y Hybrid te cu 31 di Mei 2020.
Claro cu e noticia aki a cay den masha bon tera cerca clientenan, cu ultimamente ta pega riba nan celular henter dia. Sea ta pa mira Netflix, pa sigui noticianan via 24ora.com, pa check publicacionnan riba Facebook of pa hunga weganan den nan celular. Tur hende ta pasa tempo diferente durante e pandemia aki, cu a rekeri “Shelter in Place” durante oranan di dia y “Toque de Queda” durante oranan di anochi y marduga.
