SETAR ta den pleno preparacion pa lansa su red di 5G como compania di telecomunicacion
pionero den region di Caribe. Como un di e fasenan promer cu e introduccion di 5G, SETAR a
upgrade su red pa 4.5G Pro.
E red aki tin hopi mas capacidad, cobertura y ta haci posibel speednan hopi mas liher. Banda di upgrade nos red di celular, SETAR ta traha duro pa sigui optimalisa su red di conexionnan fiho rond di nos isla. E desaroyonan aki ta haci’e posibel pa SETAR duna su clientanan mas speed pa nan placa.
Entrante dia 1 di juli 2019 SETAR lo hisa speed den tur su paketenan di Internet di cas y negoshi. Asina SETAR ta keda innova pa por duna e mihor experiencia posibel na su clientenan. Cliente cu Internet di cas (Cablenet y Fibernet) por nota e diferencia di biaha. Cliente cu un pakete Comfort tawata ricibi te un maximo di 100 Mbps download y 10 Mbps upload y awor ta ricibi te un maximo di 150 Mbps download y 15 Mbps upload. Asina SETAR lo subi speed den tur su paketenan di Internet di cas y negoshi. Conforme SETAR su Best Effort Policy, SETAR ta haci su maximo esfuerzo pa ofrece e mihor servicio na su clientenan continuamente, pero no por garantisa un speed maximo di conexion di Internet tur caminda y na tur momento di dia.
E speed maximo cu un usuario ta experiencia ta depende di varios factor tecnico, manera congestion di Internet, congestion riba server y e device di usuario. Mas data den pakete di celular Pa sigui mehora e experiencia di nos clientenan den paketenan di data di celular Hybrid y Postpaid U, SETAR ta anuncia cu lo inclui e 3 GB adicional cu clientenan a ricibi den temporada di Carnaval como parti di nan pakete di data regular. Asina SETAR kier duna su clientenan e oportunidad pa sigui stream, chat y nabega social media.
