Den oranan di marduga unidad di Polis di Noord a bay na Tamarijn. A drenta informacion cu tin un caso di ladronicia. Tabata e dia anterior marduga tambe cu a haya mesun yamada. Hasta Polis a gara un di e ladronnan mientras cu e otro a core bay. Polis no a haya nada riba dje.
Diahuebs marduga e yamada a drenta di hortamento. E ladronnan no a drenta den camber. Ta cosnan cu tin poni pafo di camber nan a purba bay cune. Ora nan a ser descubri a laga cos atras y somenta. Ta sospecha cu ta mesun grupo di adicto cu ta biba den e area di Bushiri. Den pasado Tabata tin basta problema den e zona hotelero pa mesun hoben of adictonan cu ta biba den casnan di pueblo.
Hasta nan a yega di atraca hende. Polis a gara tur e tempo ey. Awor ta den marduga e fenomeno di ladronicia ta tumando lugar na e area di beach y hasta na cambernan.
