Pa varios aña caba SETAR Aruba NV ta un di e sponsornan mas grandi di Aruba su Carnaval. Y manera ya caba ta tradicion, SETAR ta reuni tur e ganadonan di tur e eventonan, pa asina haci entrega di un premio special pa nan aporte na Carnaval di Aruba.
Darren van Ommeren, Presidente di SMAC, a indica cu nan ta hopi orguyoso y nan ta hopi contento cu e ta tuma luga, ya cu e ta un motivacion pa sigui participa na Carnaval, di parti di e sponsor mas grandi di Aruba su Carnaval.
Pa loke ta e paradanan riba caminda, van Ommeren a splica cu nan ta practicamente cla. Secuencia ta cla caba y falta un par di toke final pa asina celebra Carnaval 70 den gran forma.
Den un evento cu ya caba ta tradicion pa SETAR, como un di e sponsornan mas grandi di Aruba su Carnaval, ta trece tur e royalties di SMAC, pa bin ricibi nan premio.
Roxanne Ras, Marketing Manager di SETAR, a indica cu riba e atardi aki a haci un fiesta special pa e royalties di SMAC, unda cu a haci entrega di e premionan.
Por ultimo, Roxanne a desea SMAC tur clase di exito ya cu den e proximo dianan, e parti mas pisa di Carnaval lo cuminsa. Mas cu claro, SETAR tambe lo ta presente na tur momento di Carnaval.
