A exigi un castigo condicional di servicio comunitario di 60 ora pa Norman Serphos, ex Vocero di Ministerio Publico di Corsou, door di a entrega un denuncia falso. Esey ta loke su abogado Olga Kostrzewski a bisa ayera, despues di scucha exigencia di Fiscal. Hues lo dicta sentencia riba e caso aki dia 8 di april.
Durante e defensa, Kostrzewski a referi na e tema cu Serphos a actua un forma poco etico ora el a scirbi comentario ofensivo riba Facebook riba un homber cu recientemente a fayece. El a reacciona riba declaracionnan desafiante y insulto di e homber den su discurso.
“E esencia di e defensa ta cu mi cliente a admiti di a publica e comentario y a haci un denuncia falso, pero a haci esey door di miedo di menasa di morto dirigi na dje. E cliente a declara di a elimina e ‘post’ despues di 1 ora pasobra el a haya menasa di biaha. E menasanan tabata cu lo kim’e bio, cu lo pone glas den su coy bebe y lo tir’e mata. E cliente tin prueba di tur menasa pasobra el a saca potret. E tabata sorprendi cu su prome reaccion tabata gaña di esaki. Pasobra si e lo a admiti, e consecuencianan lo ta pio,” asina e abogado a bisa.
Segun Kostrzewski, Serphos a pertuba enormemente, cu awo el a para dilanti Hues, pero no a haci nada cu e informe contra e personanan cu a menas’e. “E ta haya cu e ta un situacion inhusto,” e abogado a sigui bisa.
E abogado a indica cu durante tratamento di e caso publico a dun’e un carta di prensa expresando apoyo pa Serphos. Ta afirma cu prensa ta haya su falta pasobra e tabata realisa su trabou como Vocero di Ministerio Publico durante hopi aña. Por lo menos 10 medio di comunicacion a firma e carta.
Pa motibo cu Serphos a traha cu Ministerio Publico di Corsou, e caso penal contra dje ta den man di Ministerio Publico di Aruba, pa cua un Fiscal di Aruba a yega. Di e manera aki, por monitoria e imparcialidad y transparencia.
A kit’e pa motibo cu e tabatin un funcion di ehempel na Ministerio Publico y nunca mester a haci e publicacion poco etico riba Facebook y mucho menos haci un denuncia falso. Den e denuncia na Polis, Serphos a declara cu a hack su Facebook account y cu no ta e a publica e comentario ey.
