Señora a keda cu dolor na nek despues di accidente

Diaranson algo prome cu 12’or di merdia un patruya di polis pasando na altura di Panaderia Huchada ta topa cu un accidente di trafico. Tawata trata di dos auto, caminda un Yaris a dal tras di un otro vehiculo. Mesora agentenan atento a baha y cuminsa haci nan trabou.

E Hyundai i10 lo a cera brake y e chauffeur di e Toyota Yaris no a mantene distancia y ta dal su tras. Dilanti di e i10 tawata tin un sla, segun polis esey ta un sla bieu y no tin nada di haci cu e accidente di e momento ey. Door di e impacto e señora na stuur di e i10 lo a sinti su nek. Pa e motibo aki polis a pidi pa Ambulance.

Despues di algun minuut un Paramedico a yega den e pick up di Imsan. Na e sitio mes por a mira e Paramedico controlando e señora. Despues di a tuma tur datos polis a hala e autonan for di caminda y a laga Forensys sigui cu e resto di trabou, daño material ta minimal.

Comments

comments