Gobierno di Aruba ta anuncia cu scolnan ta keda cera te cu 31 di maart, ke men ta alarga e periodo di ceramento di scol. “Nos ta tuma na serio e situacion di emergencia ocasiona pa e coronavirus.
Mirando cu ta ser premira cu e ceramento aki lo por ta pa un periodo largo, mester cuminsa prepara pa adopta posibilidadnan di educacion digital. Mundialmente, hopi scol a wordo cera y segun Unesco, a bay over na online classes,” esaki ta loke Dr. Armando R. Lampe, Minister di Educacion, Ciencia y Desaroyo Sostenibel, a bisa den un conferencia di prensa di Gobierno awe.
Tin scolnan na Aruba ya ta uzando tecnologia di online learning.
Aki na Aruba, Gobierno a cuminsa for di aña 2018 pa digitalisa e enseñansa na Aruba. Internacionalmente, hopi online learning sites ta ofreciendo nan servicio gratis caba den e tempo aki di coronavirus. Un ta www.zoom.us. Un ehempel di splicacion pakico a scoge pa e website aki ta: www.tessable.com/het-coronavirus-online-lesgeven/ Otro ta lessonup.com cu ta gratis pa dos luna. E ta un website unda tin digital lesmateriaal pa tur vak y niveau cla caba.
Otro ehempel ta ‘Examentrainer’ di learnbeat.nl cu ta ofrece un programa completo pa enseñansa personalisa. Esaki ta inclui entre otro training interactivo cu ‘echte examenopgaven’ pa e materianan
• Hulandes, Ingles, Frances, Biologie, Economie
Otro uitgeverijnan tambe ta ofrece materianan manera:
• Wiskunde, Natuurkunde, Scheikunde y mas.
Kennisnet.nl, un fundacion funda pa organisacionnan den educacion primario y secundario na Hulanda, ta conseha lo siguiente:
1. Cada Scol/Schoolbestuur forma un ekipo pa pensa un plan y pa implementa esaki;
2. Palabra claramente cual ta bay ta e plataforma digital unda e maestro y alumnonan lo topa otro;
3. Wak cua materialnan educativo mester wordo uza pa logra e meta educacional planea;
4. Por graba diferente instruccionnan via canalnan online y stream esakinan;
5. Uza testnan formativo pa indica e desaroyo.
Pa logra esaki, tin diferente plataforma digital cu ta wordo uza pa comunica y guia studiantenan online:
• Google Classroom; • Google Hangout Meet; • Microsoft Teams; • Zoom; • Facebook Groups; • EdPuzzle; • Flipgrid; • Quizlet; • Socrative y • Moodle
Na Hulanda:
• ExamenTrainer di Learnbeat; • ExamenSprint di Noordhoff; • Malmberg; • Zwijsen; • Kennisnet VO-Content; • EduHint.nl; • Gynzy.nl; • Wiskunde Academie; • Math4all; • Wiskunde-examens; • Wiskundetrainer; • Biologiepagina.nl; • Natuurkundeuitgelegd.nl; • JuniorEintein.nl; • Spellingoefenen.nl; • Leestrainer.nl; • Breuken.nl; • Kindertube.nl; • Informatiebord.nl/oefenen/verkeersborden-quiz; • Leesmevoor.nl; • Redactiesommen.nl y • Digipuzzle.net/nl
Scolnan por crea nan Facebook page y interactua pa medio di e mayornan cu e studiantenan. Por uza e leerlingvolgsysteem manera Magister. Pa muchanan cu no tin internet lo busca un solucion pronto pa nan haya e informacion rekeri, entre otro tin contacto cu TeleAruba. Tur scol a haya material di SAM digital y e code con pa yega na esaki. Otro siman lo tin acceso liber na e material aki riba www.ea.aw.
Tur scol ta cera. Ta haci excepcion pa eindexamenkandidaten. Schoolexamens lo continua y ta depende di cada scol pa organisa e forma y pa comunica cu e studiantenan. Schriftelijk eindexamen to continua na mei segun informacion cu ta dispone di dje for di Hulanda. Por planea cierto lesnan pa eindexamenkandidaten si online classes no ta suficiente. E ta conta pa voortgezet onderwijs y beroepsonderwijs, cu ta mas flexibel pa loke ta planificacion di examens.
Pa loke ta actividad di stage, tur ta suspendi, cu excepcion di esnan cu ta core stage den e sector di cuido, cu na e momentonan aki ta hopi necesario.
Cu tur e indicacionnan aki e Minister ta bisa cu nan kier mustra cu no ta un periodo extra di vakantie tin, sino cu lesnan por continua di un manera digital y den forma di homeschooling. “Nos ta recomenda un y tur pa boso mesun proteccion y di bo sernan keri pa keda cas. Duna honor na nos Himno y Bandera kedando cas. Esey ta un acto patriotico,” el a duna di conoce.