Tur dia bo ta tende di scarsedad di docente na Aruba. Mester bay Hulanda etc. pa busca docente.
Segun Gregory Goedgedrag, opleidings coordinator di estudio di Papiamento Bachelor na IPA, el a splica cu ta algo cu nan a papi’e. Tin dos parti. Nan tin e estudionan inicial pa bira maestro di enseñansa primario, esta kleuter y basisschool y tin tambe estudio pa bira maestro di scolnan secundario, esta MAVO, HAVO, EPB.
Kico ta pasa specialmente pa primaire opleiding, caminda cu tin mester di maestronan di scol basico, hopi hende tin e impresion cu IPA no ta ofrece suficiente na formacion.
IPA mester di nos hendenan, pasobra si nos hendenan no aplica, nos no ta haya nos mesun hendenan. E yamada fuerte ta bay na henter pueblo pa encurasha nos hobennan, pa nan bin IPA.
Nan por aplica y e ora ey, nan por duna un aporte mas activo na enseñansa basico, pero tambe na enseñansa en general. E hendenan cu no ta bin pa aplica, esey ta e problema cu IPA tin.
Awor aki nan a cuminsa cu 21+ toetsen, e ora un hende cu tin mas cu 21 aña y cu no tin un diploma, pero cu por demostra cu e tin e conocemento cu e por haci e test di admision oficial, man habri IPA ta tuma nan.
Goedgedrag a bisa tambe cu nan a haci nan opendag di IPA. Nan tabata tin basta hende pero no loke cu a spera. A cuminsa cu un campaña mas riba Facebook, via nan website. Ta purba di haci’e via tur e medionan pa atrae nos hendenan.
Hopi di e personanan cu ta mira cu tin potencial, pero cu no ta aplica, nan ta bisa cu ta pa motibo cu nan tin miedo di e desaroyo di e hubentud di awendia.
E hubentud ta dificil, mayornan ta dificil, e minimo cos cu haci y papia cu mucha, ta castigabel. Mayornan ta tumabo na malo y ta un di e cosnan cu ta descurasha hende pa bin IPA.
Nos mester sa cu generacion ta cambia, mentalidad di mundo ta cambia, pero nos tambe por cambia nos pedagogia. E manera di anda cu studiante. Na IPA tin posibilidad y recurso pa por train hende pa bira e docente, e maestro cu por trata cu nos muchanan.
E cantidad di studiantenan ta varia. Tin ora ta 16 studiante. Tin ora ta 20, siendo cu Aruba tin mester di hopi mas.
E cantidad ta hopi abao, segun Goedgedrag y ta algo cu IPA kier promove, pa e porta mas cu esey. Tin hopi hende cu ta baha cu pensioen y tin hopi pensionado den enseñansa y nan mester di reemplazo. Si keda deliver 15 of 20 studiante, no ta suficiente.
IPA ta sinti un presion grandi pa loke ta falta di docente cu cada biaha tin cu bay Hulanda busca. Nan ta haciendo lo maximo pa atrae mas studiante, pero e cantidad cada aña ta baha. Hasta ta den deliberacion kisas por haci e estudio pa maestro di scol den un otro forma.
Pero esey ta interno. Na momento cu tin mas informacion lo divulga esey.
Pa bira docente di scol, segun Goedgedrag, ora cu un hende caba HAVO, caba EPI, tin cu ta caba cu 17 of 18 aña, ya pa e ora por solicita pa drenta IPA.
Pero pa e edad maximo, no tin un dak, pa motibo cu ta cu tin cu demostra cu bo tin e capacidad. Pesey tin e 21+ toets, cu si e hende tin e capacidad di haci e test di admision, e por drenta sigur pa e haci esey.
