Ministerio Publico y RST (Recherche Samenwerkingsteam) a haci cinco huiszoeking diaranzon 16 di januari ultimo, den cooperacion cu Cuerpo Policial di Aruba y teamnan specializa entre nan di Korps Mariniers.
Esaki relaciona cu un investigacion grandi di traficacion di droga y criminalidad organiza. E huiszoekingnan a tuma lugar na Seroe Colorado, Saffier, Cashero, Savaneta y Alto Vista. A detene cinco sospechoso. Durante e huiszoekingnan a tuma beslag entre otro riba placa y droga, como tambe un arma di candela y algun vehiculo. E investigacion ta keto bay andando.
