Durante un conferencia di prensa extraordinario lider di partido AVP, sr. Mike Eman a hiba palabra. E la expresa su gratitud y admiracion pa e division di mas nobo di AVP ‘Plataforma Hobennan Profesional’. Ademas e la indica cu e hobennan di e plataforma aki ta hopi activo y lo lansa parti di nan plan pa 2019. Prome cu e la pasa palabra pa e miembronan di e plataforma e la menciona cu Juan Kelly, Minorca Martis y Wendrick Cicilia lo ta hibando palabra.
E hoben Juan Kelly, studiante di derecho na Universidad di Aruba y actualmente voorzitter di studentenraad a duna un recapitulacion di aña 2018 enfatisando riba e rol di Plataforma Hobennan Profesional: “Plataforma Hobennan Profesional como e division di mas nobo di partido AVP a wordo presenta na Cumbre 2018 y desde e tempo ey nos ta activo cu e projecto Tienda di ley. Tienda di ley ta e promer projecto cu e demostra di tin derecho di existencia y tur diasabra ta atendiendo publico cu diferente caso tipo di caso por ehempel laboral, admission, casonan lands administratieve rechtspraak y belasting. Plataforma kier amplia su envolvimento cu comunidad y contribui cu conocimento y pesei awe boso a wordo jama pa nos lansa e siguiente projecto cu jama ‘Building knowdledge 2019’.
E siguiente hoben cu a hiba palabra tawata Minorca Martis kende ta studiante di derecho di 3er aña na Universidad di Aruba cu a elabora over e projecto ‘Building knowdledge 2019’. E hurista den formacion a trece lo siguiente dilanti: ‘Building knowledge’ su raiznan ta nace for di temanan cu mas ta acapara atencion di comunidad. ‘Building Knowledge 2019’ ta un projecto cu ta consisti di un serie di seminario/charlanan informativo riba diferente tereno. E obhetivo principal ta pa educa y informa tur grupo di nos comunidad cu temanan di interes general y tambe moderno. Durante aña di 2019 lo organisa e siguiente seminarionan
- #1 Leadership & young generation as politicians
- #2 Fundamentals of labor law
- #3 Sustainability
- #4 Cryptocurrencies & entrepreneurship
- #5 Violencia domestico
- #6 Social media
Martis a splica cu e prome lectura lo tuma lugar 23 januari 2019 na Cas di Cultura. E tema di e lectura lo ta Leadership & young generation as politicians. Finalmente a toca turno di Wendrick Cicilia (tambe studiante di derecho di 3er aña na Universidad di Aruba). ‘Manera mi colega a trece dilanti, den e prome seminario ‘ Leadership & the role of the young generation as politicians ‘ lo tin como orador sr. Karsten Klein.
Cicilia a pasa riba e CV di Klein:
- 2006-2010: Karsten Klein a fungi como raadslid en fractievoorzitter di CDA Den Haag
- 2010- 2014: Karsten Klein a fungi como legislador (wethouder) Jeugd, Welzijn en Sport.
- 2014- 2018: wethouder Stedelijke economie, Zorg en havens.
- Den futuro cercano un posibel miembro di Parlamento Europeo
Pa clausura Cicilia den nomber di PHP a manda un invitacion na tur hobennan y ciudadanonan pa asisti na e prome seminario di Building Knowledge 2019 dia cu lo tuma lugar 23 januari 2019 na Cas di Cultura orario 7pm- 9pm.
