Awendia hendenan por bira malo y muri pa falta di medicamento. Esey ta loke por conclui ora cu un Botica ta pone na su porta un carta pa e clientenan cu boin busca Remedi. Hendenan a keda asombra di mira e carta pega na porta di un botica. E carta ta mustra cu e Botica no tin suficiente remedi.
Esaki no tan a culpa y nan ta splica dikon tambe. E carta aki ta mustra claramente cu e Departamento IVA Inspectie Voor Geneesmiddelen no tin suficiente personal. Den e caso aki e Botica tabata sincero cu e clientenan.
Pa falta di personal na IVA e Botica no por a saca nan medicamentonan cu mester pa bende na e pashentnan of cliente cu ta malo. Un situacion asina ta mas bien demostra den kico nos pais ta pa loke ta e cuido medico. Si na dado momento un Botica no por deliver remedi pa falta di personal di un departamento di gobierno ta un prueba cu cuido medico ta mas bien bayendo atras.
