Enconexion cu ASU Olimpiada, Aruba Amateur Weightlifting Association a organisa nan Campionato Nacional di hisamento di peso esaki a wordo teni diadomingo 17 november 2019.

Cu participacion di mas di 30 atleta masculino y femenino di diferente clubnan manera Paradise Strenght, Eximious, Muscle & Lungs Barbell Club y TNT Gym. Hopi di e atletanan a bin bon prepara pa bataya contra otro y pa wak ken lo bira ta gana den nan categoria y tambe kende ta bira e ganador maximo den e campionato.

Den un bon ambiente y bon anima pa e publico presente a start e competencia pa 11or mainta cu participacion di 16 atleta femenino unda e atletanan a midi nan forsa riba e plataforma y tambe varios atletanan lo  trata di kibra record di Aruba y personal

Aki ta sigui cu e resultado den femenino, den categoria 55kg medaya di Oro a bai Shariselie Vrolijk cu 90kg total, medaya di Plata a bai pa Carolina Bocanegra cu 88kg y Brons a bai pa Silviene Gonzalez cu 69kg. Den categoria 59kg medaya di Oro a bai pa Mirlaine de Cuba cu 131kg total.

Categoria 64kg Gianina Medina ta gana medaya di oro cu 123kg total y Plata a bai pa  Souheila Wegereef cu un total di 118kg

Den categoria di 71kg Nathaly Geerman ta gana medaya di Oro cu total di 188kg, medaya di Plata a bai pa Nicole Dijkhoff cu un total di 160kg y Brons a bai pa Bobbi Geurts cu 148kg

Brigitte Valencia cu a hisa den categoria di 81kg ta gana medaya di oro cu total di 135kg y Plata a bai pa Jentje Vrolijk cu 124kg total

Categoria di 87kg Rudselyne de Kort ta gana medaya di oro cu un total di 181kg y por ultimo den femenino Dianie Croes den categoria di +87kg ta gana medaya di Oro cu un total di 150kg.

Ganador maximo di e campionato nacional den Youth trofeo a bai na di prome lugar pa Nicole Dijkhoff cu un Sinclair di 197.004, secondo lugar a bai pa Silviene Gonzalez cu un Sinclair di 98.942 y tercer lugar a bai pa Carol Tavarez cu Sinclair 67,831,

Den junior trofeo a bai pa e ganador maximo cu ta Shariselie Vrolijk cu Sinclair di 138,837

Den senior trofeo a bai pa e ganador maximo cu a bira Nataly Geerman cu un Sinclair di 230.355, secondo lugar a bai pa Rudselyne de Kort cu Sinclair di 203.355 y tres lugar a bai pa Bobbi Geurts cu Sinclair di 182,229

Den categoria di masculino tabata tin 15 atleta y aki ta sigi e resultadonan. Den categoria 67kg RJ Sebastian Oduber ta gana medaya di Oro cu un total di 173kg. Categoria di di 73kg Jonathan Bocanegra ta gana medaya di Oro cu un total di 183kg.

Den categoria 81kg medaya di Oro a bai pa Yunes Guzman cu un total di 241kg y medaya di Plata a bai pa Aljereau Sophia cu un total di 237kg y medaya di Brons a bai pa Laertes Araque cu 237kg total

Rodney Marrug den categoria 89kg ta gana medaya di Oro cu un total di 226kg, medaya di Plata a bai pa Virgil Lispier cu 221kg total y medaya di Brons a bai pa Jeremy Dijkhoff cu un total di 210kg. Categoria 96kg Coot Simons ta gana medaya di Oro cu un total di 217kg y Plata a bai pa Xalsky Schwengle cu un total di 175kg y por ultimo hisador den categoria di +109 Jason Li ta logra pone un total di 240 y ta gana medaya di Oro.

Como ganador maximo di e campionato nacional den categoria di Youth trofeo na prome lugar a bai pa Laertes Araque cu Sinclair di 288.281 y secondo lugar a bai pa Jeremy Dijkhoff cu Sinclair di 254.647.

Den Junior ganador maximo a bira RJ Sebastian Oduber cu Sinclair di 235.751 y Segundo lugar a bai pa Kevin Cayama-Perez cu Sinclair di 234.728

Den Senior trofeo a bai pa Yunes Guzman cu a bira e ganador maximo den e campionato nacional cu un Sinclair di 294.071. secndo lugar a bai pa Aljereau Sophia cu un Sinclair di 289.190 y trofeo pa di tres lugar a bai pa Jean-Pierre van der Lak cu un Sinclair di 271.407

Por ultimo den Master como ganador maximo di e campionato nacional a bira Americo Thijzen cu un Sinclair di 244.551.

Tambe nos por a mira Travor Faro di apenas 12 aña a duna un tremendo demonstracion den e disciplina di snatch y clean & jerk. For di Colombia como guest James Polanco cu tambe a duna un tremendo demonstracion den e deporte di weightlifting.

E medaya y trofeonan  a wordo entrega door di Miembro Honorario di Aruba Sport Unie sr. Emiterio Bareño na tur e atletanan. Presente na e campionato nacional aki tabata Sr. Patrick Werleman cu su comision di Anti Dopaje.   Aruba Amateur Weightlifting Association kier a manda un palabra di pabien na tur e atletanan cu a kibra record di Aruba y nan record personal y un danki na nos sponsors y partners nan Aruba Sport Unie, Mac4 U, Stichting Sportsubsidie Aruba, Lotto pa Deporte,  Comite Olympico Arubano, Cemedar  y tambe na tur e voluntario nan y club nan di peso Muscles and Lungs Barbell Club, Eximious, Paradise Strength y TNT Gym, pa haci e campionato nacional aki bira exitoso.

Comments

comments