Sarah van der Steen, Reina Hispanoamericano 2019 a bolbe awe for di su participacion den Reina Hispanoamericano 2019 – 2020 na Bolivia. “E tabata un experencia inovidabel, mi a siña hopi cos,” el a expresa na su yegada.
Den e certamen el a conoce representante di 28 pais cu ta personanan bunita tanto di paden como di pafo. Pero tambe e tabatin palabra di elogio pa e miembronan di e organisacion cu a percura pa tur e participantenan sinti nan mes manera berdadero reinanan.
“Mi ta contento di ta bek na cas, aunke cansa. Mi ta contento pasobra Aruba su nomber a zona hopi, e hendenan tabata menciona e nomber di Aruba pa cual mi ta hopi contento.” El a pasa dos siman na Bolivia, unda el a bay bon prepara danki na su preparador Endy Croes. “E situacion tabata hopi pisa, hopi competitivo.”
Loke e ta contento toch di dje ta tur loke el a siña y e relacion special y di amistad cu a crea cu un cantidad di e hobennan participante.
E ganado tabata Regina Peredo, representante di Mexico.
