Departamento di Agricultura Cria y Pesca Santa Rosa ta informa na e comunidad di Aruba cu den nan seccion di Criansa di Porco tin porco na benta. E tipo di rasa cu tin na benta ta Landrace, Yorkshire, Hampshire y Duroc. E rasa di porconan aki ta wordo bendi pa peso y bibo. Kiermen e ta wordo pisa y total di peso ta defini e prijs.

Tin den diferente grandura. Na momento di bin cumpra bo rasa di Porco preferi esaki mester tuma luga parti mainta y te cu 10’or. Mas laat cu e orario stipula aki nos no lo haci ningun tipo di benta di porco. Mester tene na cuenta cu ta hopi calor den e dianan aki y tin hopi solo cu por causa cu e porco por haya algun malestar durante transporte. Ta pa e motibo aki ta haci un apelacion pa haci esaki trempan parti mainta cu ta mas fresco.

Pabo por yega na remarca pa compra di un of mas porco cerca na Santa Rosa bo mester ta registra na e departamento aki como un criado oficial. Den caso cu bo no ta registra, no por bendebo porco of otro tipo di bestia.

Otro rekisitonan tambe ta cu bo mester tin tereno oficial destina pa Cria. Mester ta logicamente riba nomber di esnan cu ta bin pa haci compra di porco. Mester percura cu tin luga adecuado pa haci cria di porco. Luga mester tin dak y frescura pa e bestianan por recuri. Awa limpi tur dia ta un mester y obligacion disponibel pa e bestianan. E cuminda mester ta limpi tur pa e bestianan por come. Esaki ta algun punto hopi importante pa tene na cuenta prome cu cumpra porco aki na Santa Rosa.

Por yama pa mas informacion na tel: 585-8102 na orario di oficina cu ta for di 7’or di mainta pa 12’or y di 1’or di merdia te cu 3’or di atardi.

Comments

comments