Awe tin un actividad na San Nicolas, dilanti Massive Radio. Ta invita pa yega ainda y haci un donacion cu ta bay pa Fundacion pa Nos Muchanan.
For di prome di December a cuminsa cu un challenge di 15 Dia di Gratitud. Den e challenge aki ta recauda cuminda pa e famianan den necesidad, specialmente den e temporada di fin di aña.
E iniciativa aki a bini basa riba Derecho di Mucha. Cada dia por busca un comestible y pone den un caha. Despues di 15 dia entreg’e na un famia den necesidad. Si bo tin comestibles na cas cu bo kier regala, pasa prome cu 6’or dilanti Massive Radio na San Nicola, net riba Promenade.
