Carnaval 65 lo bay bira un carnaval hopi grandi y Departamento di Salubridad Publico no ta keda atras y a bin cu un campaña specialmente pa esaki. A dicidi di acerca diferente fundacion cu durante temporada di carnaval ta activo, pa hunto haci algo grandi.
Segun vocero di Salubridad Publico, Jurette Croes, a anuncia cu nan campaña yama “Mi Escogencia por tin consecuencia”. Kier a pone enfoke riba e escogencia cu ta uno hopi importante.
Na momento cu bo ta bay haci cualkier actividad, ta hopi importante pa haci un escogencia responsabel, di moda cu e consecuencia despues ta uno positivo, y no uno lamentabel of no desea.
E ora ey, durante e campaña aki lo bay concientisa riba e uso di condom pa preveni embaraso no planea y tambe malesanan transmiti sexualmente.
Lo enfoca riba e uso di sunblock, earplugs y un bril di solo y tambe lo bay enfoca riba no bebe alcohol y core auto.
