E mucha tabata sufri di leukemia caba na Colombia, pero a ricibi tratamento y a pensa di lo a cura completo. Sinembargo, awo cu nan ta na Aruba e mesun enfermedad a sali atac’e mas fuerte ainda, pa cual motibo specilista aki a conseha pa mand’e Colombia. Pero a presenta problema riba su status ilegal riba nos isla, pa cual gobierno di Aruba, por medio di Minister Andin Bikker mesora a cay aden pa aloca fondo di emergencia pa trata cu un caso urgente di salud.
Tabata dia 8 di mei cu Sara Ramos, mama di e mucha muhe Salome, a splica su preocupacion pa cu e situacion di su yiu. Awe 2 siman despues e criatura ta interna den Clinica Valle del Lili na Cali y e plan di tratamento ta mustra di ta dunando bon resultado. E mama a conta cu n’e momentonan aki Salome ta ricibiendo su di tres kimoterapia y precisamente esun aki ta bastante fuerte. Pa mas informacion lesa TREMPAN.
