Sabor Crioyo casi tur dia ta na Centro di Bario Ayo ta train. Nan tin motibo pa esaki. E grupo aki ta un di e participantenan pa e proximo Festival Un Canto pa Himno y Bandera cu ta tuma luga e fin di siman aki, den forma virtual.
Director di e banda, Jason Kelly, a bisa cu nan ta haci tur nan esfuerso pa duna nan aporte na e actividad cultural di Aruba. Tur kier duna nan contribucion no solamente na e festival, pero na cultura di Aruba en general.
El a recorda cu 2020 tabata un aña di hopi reto y cu a pesar cu nan a participa den e festival, esaki no a conoce un final. Nan grupo tabatin un duo y un trio cu a pasa pa final, cu e aña’ki lo bay pa e final. E situacion di aña pasa a haci cu nan no por tabatin mucho actuacion y mucho menos train manera ta nan custumber.
El a sigura cu nan a cuminsa train bek, pero e pueblo di Aruba lo haya un bon presentacion di nan banda den e festival. Sabor Crioyo ta compaña tres participa den e categoria di muchanan: Jamerson Kelly; John Wever y Zennon Daal. Y den e grupo di adulto tin un duo y trio.
