Durante rueda di prensa di minister Glenbert Croes, lider dje programa Fondo di Asistencia Social di Emergencia (FASE) tabata presente pa asina duna un tiki splicacion con cos a bay.
Sabine de Groot, lider dje programa FASE, a reacciona riba e rumornan, e persoonsnummer y hopi mas, den e formulario di registracion di FASE e hendenan a haya dos oportunidad pa duna un manera di identificacion. El a indica cu e prome tabata number di identificacion y e di dos tabata persoonsnummer. Cu e peticion di FASE, e persona mes mester a manda informacion di su identificacion, sea tabata di paspoort of number di identificacion (ID).
E ta corda cu cada luna e mandatario tabata splica tur hende pa yena e datonan personal bon, sino no ta haya e placa. Pero si acaso e persoonsnummer tabata fout, cuenta di banco tabata fout, instancia a detecta esey. Su persona ta mira cu awo ta hopi facil pa husga despues di e proceso. Si den gobierno tabatin un sistema cu tur hende ta traha cu mesun number di identificacion, no tabatin problema asina.
Nan a yama hopi persona cu tabatin cos yena robes y no pa malo, pero e hendenan a haci eror humano. Segun de Groot, nan a yuda e hendenan pa cumpli. Ta facil pa husga despues di e proceso. Na ningun momento a yuda nan of sinta cu su persona pa haya splicacion.
Centrale Accountantdienst (CAD) si a presenta y sinta p’e dianan largo pa mira kico si y kico no. E ta haya cu asina mester traha, pero pa husga despues de facto ta masha facil.
Pa mas lesa TREMPAN.COM.
