Tabatin den e ultimo siman un situacion cu como minister di energia, Glenbert Croes, pa loke ta trata e situacion di WEB, cu a saca un comunicado di prensa unda cu lo aumenta e tarifa abruptamente.
Segun e minister, gobierno ta rechasa e decision tuma p’e compania estatal y como accionista di Utilities y na su turno, Utilities como accionista di WEB, mester a actua pa suspende e decision ey tuma y e anuncio haci.
Mester tene cuenta cu n’e momentonan aki ya caba cu costo bida, manera e ta bayendo, drenta un supermercado, por nota prijs halto, como tambe tin gasolin halto. Segun e minister, no por culpa gobierno di Aruba p’e prijs di gasolin.
Awa y coriente, cu t’e necesidadnan basico, ta compronde cu a pidi WEB y Elmar absorba durante 7 luna despues cu e hedging exitoso a caba fin di aña pasa, e impacto di aumento di prijs cu lo a subi, ya cu nan tabata discutiendo aumento di awa y coriente desde fin di aña pasa.
E minister a menciona cu aworaki, shete luna despues, WEB y Elmar ta den un situacion sumamente dificil cu nan no por keda absorbe. E pregunta ta cu si ta bay aumenta prijs di awa y coriente, con ta bay hacie. Den ki forma ta bay hacie p’e schouder di mas hancho carga mas y e schouder di mas smal, carga menos.
Den decada di 90, minister Glenbert Croes mes tabata encarga cu utilidad y a bin cu e structura di tarifa cu tin te awendia, unda cu ta bisa cu esun cu ta uza tiki coriente of tiki awa, no solamente ta paga menos, ya cu e ta uza menos, e ta un principio basa riba premia esun cu ta consciente. Pero tambe esun cu ta uza menos, ta paga un tarifa mas abao. Pero si ta desperdicia awa y/of coriente, no solamente ta paga mas, sino e tarifa ta bira progresivo.
Ta compronde cu aumento mester bin, pero ta bisa si cu e mester bin pero na un forma socialmente husto. Schouder hancho t’ey paga mas. Esun cu no tin pa wanta sla, mester tene cuenta cu su situacion.
Pa mayor cobertura lesa TREMPAN.
