Tras su respectivo prome partidonan den Copa Mundial di FIFA 2018, Rusia y Egipto no por a yega St. Petersburg cu sentimentonan mas opuesto.
E anfitrion a lidia cu presion “di e wega inaugural di forma asombroso, mientras cu Egipto a mira con su esper a cuminsa cu un “doloroso derota den e ultimo suspiro. Te cu e aficionadonan mas incodicional di Rusia lo a hari di e pronostico di un victoria di 5-0 contra di Saudi Arabia. Pero e triunfo di dos gol precioso di Denis Cheryshev, a duna buelta na expectativanan. Tres punto por ta suficiente pa logr pasa pa e octavonan di final.”
Egipto di su banda, no tin tempo pa perde. Pa suerte, Mohamed Salah parce di a recupera di su lesion. E artiyero tabata un presencia dominante na Inglatera e temporada aki y ademas di e obvio menasa den atake cu lo supone, su reincorporacion lo ta full un inyeccion di moral pa e formacion despues di e gol in extremis concedi contra di Uruguay.
Analisis di expertonan special di FIFA
Igor Borunov cu Rusia
Rusia ta exultnte cu e fabuloso y, pa kico no bisa, awasero inespera di gol di e partido inaugural. Sin embargo, e hungadonan no a drumi entre e laurelnan. Henter e contingente Ruso a pasa riba e pagina di e resultado contra Saudi Arabia y Egipto ta otro historia. Cu of sin Mohamed Salah riba veld, e localnan ta dicidido pa bringa duro y cosecha otro tres pnto pa pone un pida, of dos, den e siguiente buelta.
Belal Mostafa cu Egipto
E resultado frente Uruguay a impne un estado di animo bon cla na Egipto: gana Rusia ta e unico opcion. Mientras cu Hector Cuper tabata completa e preparativonan pa e encuentro, Mohamed Salah a ricibi su bendicion di por hunga y den e ultimo sesion di entrenamento prome cu sali pa St. Petersburg, por a mira algun actuacion briyante. Un cos ta cla, e Argentino lo bay tin un dolor di cabes pa dicidi riba e alineacion. Cu e increibel comienso di Rusia y e apoyo di su aficion, e presion lo ta tur riba e Faraonnan. Pero nan por super’e.
Bo tabata a cu?
Diahuebs tabata e prome biaha cu dos hungado lo a habri nan cuenta goleado cu su seleccion den un partido inaugural di e Copa Mundial. Yury Gazinsky a habri e porta prome cu Denis Cheryshev a bay un paso mas dilanti cu su dos promenan pa Rusia.
Alineacionnan probabel:
Rusia: Igor Akinfeev; Mario Fernandes, Ilya Kutepov, Sergei Ignashevich, Yuri Zhirkov; Roman Zobnin, Yury Gazinsky, Daler Kuziaev; Aleksandr Golovin, Denis Cheryshev; Fedor Smolov
Egipto: Mohammed El Shenawy, Ali Gabr, Ahmed Hegazy, Ahmed Fathi, Mohammed Abdelshafy; Tarek Hamed, Mohammed El Neny, Mahmoud Trezeguet, Abdullah Al Said; Mohammed Salah, Marwan Mohsen
FIFA©
